تەنز لە چیرۆکەکانی پێکەنینی گەدای حەسەن قزڵجی دا

بەشێکی زۆری بەرهەمە ئەدەبییەکان لە بنەڕەتدا هەڵگری پەیامێکن و دانەرانیش بە نووسەر و شاعیرەوە هەوڵ ­ دەدەن بە ڕێگا و شێوازی جیاجیا ئەو پەیامە بگەیێنن بۆ ئەوەی کار لە بەرامبەرەکەیان بکەن. چیرۆک نووس حەسەن قزڵجی هەوڵی ­ داوە بە ناوەرۆک و تەکنیکی جیاواز و کاریگەرەوە ئەو پەیامە دەرببڕێت، واتە «تەنز». قزڵجی هەوڵی داوە لەو ڕێگایەوە کۆمەڵگا لە دیاردە دزێو و ناشیرینەکان ئاگادار بکاتەوە، یان لانی ­کەم بتوانێت لە قۆناغێکدا وریایان بکاتەوە. توێژینەوەی بەردەست هەوڵ دەدات تەنز و ڕەنگدانەوەی لە چیرۆکەکانی پێکەنینی گەدای حەسەن قزڵجی دا بخاتە بەر باس و لێکۆڵینەوە. توێژینەوەکە جگە لە پێشەکی و ئەنجام، لە دوو بەش پێک هاتووە. لە بەشی یەکەمدا، بە شێوەیەکی تیۆریک، باسی چەمک و پێناسەی تەنز و مەبەستی تەنز لە ئەدەبدا کراوە. لە تەوەرەی یەکەمی بەشی دووەمدا، باسی تەنز لە ئەدەبی کوردیدا کراوە و پاشان لە کۆتایی توێژینەوەکەدا، بە شێوەیەکی پراکتیکی، تەنز لە چیرۆکەکانی پێکەنینی گەدای حەسەن قزڵجی دا باس کراوە. لە کۆتاییشدا، گرنگترین  ئەنجام و دەستکەوتەکانی ئەم توێژینەوەیە خراونەتەڕوو.

کلیدواژه ها:

تەنز ، ڕەخنە ، کورتەچیرۆک ، پێکەنینی گەدا ، حەسەن قزڵجی